प्रगतिको प्रस्थान बिन्दु आशाको सञ्चार हो : मन्त्री पाण्डे

काठमाडौं- संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेले प्रगतिको प्रस्थान बिन्दु नै आशाको सञ्चार भएको बताउनु भएकाे छ। मंगलबार नेपाल प्रज्ञा–प्रतिष्ठानद्वारा आयोजित प्रज्ञा पुरस्कार समर्पण समारोहलाई सम्बोधन गर्दै मन्त्री पाण्डेले पछिल्लो समय निराशाका सन्देशहरूलाई बढी प्राथमिकता दिइएको उल्लेख गर्दै त्यसले देशको विकासमा अवरोध पुर्‍याउने बताउनु भएकाे हाे। उहाँले देश हाल कुनै पनि प्रकारको द्वन्द्वमा नरहेको तथा सबै मित्र राष्ट्रसँग सु-सम्बन्ध कायम रहेकाले देखिएका समस्या समाधान हुँदै गएकाे उल्लेख गर्दै देश विकासको गतिमा तीव्रता लिने चरणमा प्रवेश गरिएकाे बताउनु भयाे। मन्त्री पाण्डेले साहित्यकारहरूले समाजलाई अग्रगमनतर्फ डोर्याउने महत्वपूर्ण भूमिका निर्वाह गर्ने भन्दै समाजको प्रवृत्ति सुधारमा उनीहरूको योगदान अपरिहार्य रहेको बताउनु भयाे।
समारोहमा यस वर्ष प्रदान गरिएका प्रज्ञा पुरस्कारहरू निम्नानुसार छन्:
प्रज्ञा भाषा पुरस्कार २०७८ – श्री चूडामणि रेग्मी
प्रज्ञा सामाजिकशास्त्र पुरस्कार २०७८ – श्री दिल साहनी
प्रज्ञा संस्कृति पुरस्कार २०७८ – श्री डिक बान्तावा
प्रज्ञा बालसाहित्य पुरस्कार २०७८ – श्री शारदारमण नेपाल
प्रज्ञा साहित्य पुरस्कार (पद्य) २०७८ – श्री जसराज किराती
प्रज्ञा साहित्य पुरस्कार (गद्य) २०७८ – श्री कृष्ण धरावासी
प्रज्ञा समालोचना पुरस्कार २०७८ – डा. सुधा त्रिपाठी
प्रज्ञा दर्शन पुरस्कार २०७८ – श्री गोपीरमण उपाध्याय
प्रज्ञा अनुवाद पुरस्कार २०७८ – डा. बलराम अधिकारी
प्रज्ञा अन्तर्देशीय पुरस्कार २०७८ – श्री भविलाल लामिछाने (भारत)
प्रत्येक वर्ष प्रदान गरिने यी पुरस्कारहरूको राशी एक लाख रुपैयाँ रहेको छ।